27–30-июнь күндөрү Стамбул шаарында 8-Балкан физика олимпиадасы (BPO 2026) өттү. Ага Кыргызстандын атынан катышкан төрт окуучу тең коло медаль алышты. Бул тууралуу Агартуу министрлиги билдирди.

Сыйлыкка ээ болгондор:

• Марсель Касымов — «Маариф» билим берүү комплексинин 10-классынын окуучусу;
• Нурбол Мырзабеков — «Маариф» билим берүү комплексинин 10-классынын окуучусу;
• Умар Туташбаев — «Газпром Кыргызстан» мектебинин 10-классынын окуучусу;
• Истеми Тазабеков — «Сейтек-СТЕМ» мектебинин 9-классынын окуучусу.

Министрлик бул медалдар Кыргызстандын аталган мелдешке катышуу тарыхындагы алгачкы сыйлыктары экенин билдирди. Олимпиадага 13 өлкөдөн 51 окуучу катышып, теориялык маселелерди аткарышкан.