Кыргызстандын Улуттук банкынын маалыматы боюнча, 9-декабрга карата республиканын мамлекеттик баалуу кагаздар боюнча ички карызы 64 миллиард 78,2 миллион сомду түздү. Бул тууралуу “Акчабар” жазды.

Каражаттын басымдуу бөлүгү мамлекеттик казына облигациялары аркылуу бюджетке түшкөн. Алар боюнча Кыргызстандын милдеттенмелери 63 миллиард 247 миллион 392,1 миң сомго бааланган.

Кошумчалай кетсек, мамлекет дагы 12 айлык казына векселдерин жайгаштыруу менен ички рынокко акча алган. Өлкөнүн карызы 830 миллион 777 миң сомго бааланган.