Кыргызстандын пара армрестлинг боюнча курамасы Өзбекстанда өткөн Дүйнө кубогунда 22 медаль утту. Бул тууралуу Дене тарбия жана спорт департаментинен билдиришти.

Медалдардын 11и алтын, жетөө күмүш, төртөө коло. Мелдеш 31-январдан 3-февралга чейин болуп өткөн. Ага 21 өлкөдөн 1000 ден ашык спортчу катышкан.

Жеңүүчүлөрдүн жана байге ээлеринин тизмеси:

• 70 кг Медер Тыныстанов (1 алтын);
• 65 кг Билал Калыков (1 алтын, 1 коло);
• 60 кг Каныкей Төрөкулова (1 алтын, 1 күмүш);
• 65 кг Света Эсенказиева (эки алтын);
• 95 кг Андрей Левченко (эки алтын);
• 65 кг Айгүл Мутапилова (4 алтын);
• Адиль Абдыкеримов (1 күмүш);
• 65 кг Үсөн Мамазакиров (1 күмүш, 1 коло);
• 54 кг Бексултан Турдиев (2 күмүш);
• 46 кг Айпери Азаматова (2 күмүш);
• 85 кг Чолпонай Жаркулов (1 күмүш);
• Мухаммед Сатымкулов (2 коло).

Курама команда мелдешке башкы машыктыруучу Толкунбек Исаков жана машыктыруучу Манура Бейшеналиеванын жетекчилиги алдында катышты.