Жогорку Кеңештин депутаты Тазабек Икрамов (49 жашта) күрөш боюнча ардагерлер арасындагы дүйнө чемпионатында күмүш байге тагынды.
Грекиянын Лутраки шаарында 17-октябрда башталган мелдеш бүгүн, 22-октябрда жыйынтыкталат.
Икрамов грек-рим күрөшү боюнча 46-50 жаштагы балбандар арасында 78 кг салмакта таймашка чыккан.
Ал беттешти квалификациялык айлампадан баштап, биринчи кармашында ирандык балбан Хамид Фархадини 9:0 эсебинде уткан. Андан кийин чейрек финалда казакстандык Махмуд Орманды 13:2 эсебинде жеңген.
Чейрек финалда Икрамов польшалык Якуб Ковалчикти 7:0 эсебинде уткан.
Ал эми алтын үчүн беттеште Тазабек Икрамов швециялык Жимми Самуелсонго 12:3 эсебинде жеңилип калган. Жыйынтыгында ал күмүш байгенин ээси болгон.
Биздин Телеграм каналга катталыңыз
