Кытайдагы Эмгек күнүн майрамдоого байланыштуу кыргыз-кытай чек арасындагы көзөмөл-өткөрмө пункттары ишин убактылуу чектейт. Бул тууралуу Мамлекеттик чек ара кызматы билдирди.

30-апрелде саат 22:00дөн тарта «Эркеч-Там», ал эми саат 20:00дөн баштап «Торугарт» пункту ишин токтотот. Эки пункт тең 2-майда саат 08:00дө ишин кайра жандандырат.

«Бедел» көзөмөл-өткөрмө пункту 1-майдан 5-майга чейин (кошо алганда) жабык болуп, 6-майда саат 08:00дө ачылат.

Чек ара кызматы жарандарга жана тышкы экономикалык ишмердүүлүктүн катышуучуларына сапарларын пландаштырууда ушул маалыматты эске алууну сунуштайт.