Кызыл-Кыяда адам тоноого шектелип, 18 жаштагы жигит кармалды. Бул тууралуу Баткен облустук ички иштер башкармалыгынын басма сөз кызматынан билдиришти.

Маалыматка ылайык, 13-январда Кызыл-Кыя шаарынын 33 жаштагы тургунун белгисиз адам тоноп кеткен. Ал күч колдонуп жабырлануучунун телефонун, банктык карточкасын, айдоочулук күбөлүгүн жана паспортун тартып алып, из жашырган.

Бул факты боюнча Жазык кодексинин 201-беренеси (тоноо) менен иш козголуп, иликтөө иштери башталган.

Анын алкагында милиция кызматкерлери 1-февраль күнү шектүү катары Ош шаарынан Кара-Суу районунун 18 жаштагы Х.Д. аттуу тургунун кармаган.

Учурда сотко чейинки өндүрүштүн алкагында тергөө иштери жүрүүдө.