.svg){kind=logo}
Садыр Жапаров Кыргызстан, Тажикстан жана Өзбекстандын Достук стеласы менен тааныштыУлуу Британияда «Өлбөс полк» өтөтБишкекте Эркиндик бульварында «Жеңиш бульвары» аттуу концерт өтөтАмерикалык рэпер Flo Rida Москвадагы концертинде ак калпак кийгизиштиКыргызстанда «Өлбөс полктун» маршруту бекитилди — шаарлар боюнча толук маалымат6-май: Кыргызстандын айрым облустарында жаан жаайт, калган аймактарда — жаан-чачын күтүлбөйт
Максым ЮНЕСКОнун материалдык эмес маданий мурастарынын катарына кирди
10.12.2025 | 17:43
Кыргыздын салттуу суусундугу максымды даярдоонун салттуу билими ЮНЕСКОнун адамзаттын материалдык эмес маданий мурастарынын репрезентативдик тизмесине киргизилди.
Мындай чечим бүгүн, 10-декабрда, Индиянын борборц Нью-Делиде өтүп жаткан материалдык эмес маданий мурастарды коргоо боюнча Мекемелер араылк комитеттин 20-сессиясында кабыл алынган. Максымды аталган тизмеге киргизүү боюнча арыз ЮНЕСКОнун катчылыгына 2023-жылы берилген.
Буга чейин да Кыргызстандын маданиятынын элементтери ЮНЕСКОнун материалдык эмес маданий мурастарынын катарына киргизилген. Алардын арасында «Манас, Семетей, Сейтек» үчилтиги, акындык өнөр, айтыш, боз үйдү жасоо, ала кийиз жана шырдак жасоо өнөрлөрү, Көчмөндөр оюндары, көк бөрү улуттук оюну сыяктуу 16 маданий мурас бар.
Рубрики: Жаңылыктар, Маданият
