УКМКнын Баткен облусу боюнча башкармалыгынын кызматкерлери Архитектура, курулуш жана турак жай-коммуналдык чарба мамлекеттик агенттигинин көзөмөлдөө жана облустук башкармалыгынын инспекторун пара менен кармашты. Бул тууралуу аталган башкармалыктын басма сөз борбору билдирди.

Инспектор Баткен облустук прокуратурасынын тергөө бөлүмүнүн тергөөчүсүнө 20 миң сом өлчөмүндө пара берип жаткан жеринен кармалган.

Аталган адам акчаны «Бекем-Курулуш» ЖЧКсына карата процессуалдык чараларды көрбөгөндүгү үчүн улук инспектор кесиптешинин арызы менен бергени аныкталган.