“Манас” эл аралык аэропортунан бомба табылган жок. Бул тууралуу Чүй облустук милициясынан билдиришти.

Белгилүү болгондой, буга чейин “Манас” аба майданына бомба коюлганы тууралуу маалымат ИИМ, ӨКМ жана аэропорттун электрондук почтасына жөнөтүлгөнү кабарланган. Ага байланыштуу аба майдандагы адамдар, кызматкерлер сыртка чыгарылган.

Милициядан билдиришкендей, жеринде саперлор иштеп, бомба табылган эмес. Учурда аэропорт кадимки тартипте иштеп жатат.