Кыргызстан менен Кытай жаңы “Бедел” чек ара өткөрмө бекетин ачуу үчүн талаа иштерин баштады. Бул тууралуу министрлер кабинетинин маалымат кызматы билдирди.

Белгилүү болгондой, аталган бекет Ысык-Көлдө Кытай менен чектештен аймакта жайгашат. Андан тышкары Ысык-Көлдөн коңшу мамлекетке кеткен «Барскоон – Үч-Турпан – Аксу» унаа жолу салынат.

Өкмөт башчынын орун басары Бакыт Төрөбаев башында турган жумушчу топ жерине барып, “Бедел” өткөрмө бекети, ошондой эле чек ара жана бажы көзөмөл объекттери жайгаша турган жерлерди карап чыгышкан.