«Манас» эл аралык аэропорту масштабдуу реконструкциядан кийин жүргүнчүлөр үчүн борбордук кире бериш бөлүгүн ачты.

Модернизациялоо аэропорттун инфраструктурасын жаңылоо долбоорунун бир бөлүгү болду. Иштин алкагында имараттын фасады жаңыланды, жүргүнчүлөрдүн агымын уюштуруу үчүн зоналар кеңейтилди жана учуунун алдындагы көзөмөлдөн өтүү үчүн ыңгайлуу шарттар түзүлдү.

Учурда адистер кире бериш топтун сырткы элементтерин жасалгалоо иштерин аяктап жатышат. Муну менен катар аэробекеттин ички оңдоо иштери жана жайларды жасалгалоо уланууда.