Бүгүн эртең менен аба ырайынын катаал шарттары өлкөнүн башкы аба майданынын ишин үзгүлтүккө учуратты. Коюу тумандан улам көрүү мүмкүнчүлүгү начарлап, «Манас» эл аралык аэропорту учактарды кабыл алууну убактылуу токтотууга аргасыз болду.

«Кыргызстан аэропорттору» ААКнын басма сөз кызматы билдиргендей, коопсуздук максатында 15ке жакын каттам резервдик аэродромдорго жөнөтүлдү. Бишкекти көздөй учуп келе жаткан учактар Тамчы, Ташкент жана Алматы аэропортторуна конууга туура келген.

Компаниянын басма сөз кызматы Reporter.kg басылмасына тастыктагандай, эртең мененки саат 08:30дан кийин аба ырайы турукташып, көрүү мүмкүнчүлүгү жакшырган.