«Менин шаарым» мобилдик тиркемесинин коомдук транспорттун кыймылын реалдуу убакытта көзөмөлдөө функциясы эми өлкөнүн аймактарында да жеткиликтүү. Бул тууралуу Бишкек мэриясы билдирди.

Маалыматка ылайык, эми бул кызмат Ош, Кант, Манас, Талас жана Токмок шаарларында иштейт. Бул жарандарга жол жүрүүнү ыңгайлуу пландаштырууга шарт түзөт.

Мэрия алдыда «Менин шаарым» тиркемесинин функционалы дагы кеңейтилип, Кыргызстандын бардык аймактарында жеткиликтүү болорун билдирди.