Манас шаарында Роза Азимова атындагы 500 орундуу жаңы мектептин курулушу жүрүүдө. Долбоор мамлекеттик бюджеттин эсебинен каржыланууда. Бул тууралуу Курулуш министрлиги билдирди.

Мектептин курулуш иштери ушул жылдын март айында башталган, учурда ал 60%га бүттү. Имараттын сыртын жылуулоо башталды жана чатырын жабууга даярдыктар көрүлүүдө. Ошондой эле ички жасалгалоо жумуштары жүрүп жатат.

Мекеме иштин сапаты Курулуш министрлигинин көзөмөлүндө экенин билдирди. Жалпысынан Манас шаарында министрлик тарабынан алты жаңы мектеп салынып жаткандыгы маалымдалды.