26-ноябрь күнү милиция Медет Садыркуловдун өлүмүнө шектүү Санжар Сапарбековду кармады. Бул туурасында Ички иштер министрлиги билдирди.

Маалыматка караганда, Медет Садыркуловду муунтуп өлтүрдү деп айыпталган кикбоксинг боюнча чемпион жана Максим Бакиевдин жакын санаалашы Санжар Сапарбеков кармалды.

Ал жазык-процесстик кодексинин 98-беренесине ылайык Бишкек шаардык милициянын убактылуу кармоочу жайына киргизилген.

27-ноябрь күнү Бишкек шаарынын Биринчи май райондук соту  шектүү Санжар Сапарбековго карата 2022-жылдын 26-январына чейин эки айга Бишкек шаарындагы №1 тергөө абагына камоо чечимин кабыл алган.

Буга чейин ошол эле Биринчи май райондук соту аны үй камагына чыгарган болчу.