Кыргызстандын аймактарындагы мектептерде англис тилин окутуу үчүн келген ыктыярчылардын саны көбөйөт. Бул тууралуу Билим берүү жана илим министрлиги билдирди.

24-апрелде министрлик менен Тынчтык корпусу өз ара түшүнүшүү жөнүндө меморандумга кол коюшту. Бул документте өлкөдөгү билим берүү уюмдарында англис тилин окутуучу ыктыярчылардын санын көбөйтүү каралган.

Белгилей кетсек, 1993-жылдан бери Кыргызстанда Тынчтык Корпусунун 1350дөн ашык ыктыярчылары кызмат өтөшкөн. Учурда өлкө боюнча мектептерде англис тили боюнча 44 ыктыярчы иш алып барууда.