Бишкек мэриясы кол алдындагы мекемелерде жаңы жылдык корпоративдерди өткөрүүгө тыюу салды. Бул тууралуу муниципалитеттин басма сөз кызматы билдирди.

Мэриянын маалыматына ылайык, мындай чечим негизсиз чыгымдарды кыскартууга жана жаңы жыл алдында коомдук тартипти сактоого багытталган. Бир гана кызматкерлерди куттуктоо жана жыл жыйынтыгы боюнча сыйлыктарды тапшыруу сыяктуу расмий иш-чараларга уруксат берилет.

Белгиленгендей, мындай жолугушуулар административдик имараттардын ичинде, иш форматында гана өткөрүлүшү керек.