.svg){kind=logo}
Газада урандылардын астынан жүздөгөн сөөк табылды — БУУ соккуларды иликтөөгө чакырдыКыргызстанда жеке медициналык ЖОЖдор билим берүү франшизасына өткөрүлүшү мүмкүнКыргызстандык окуучу Балкан олимпиадасында коло медаль утуп алдыКара-Сууда заводдон чыккан чаң айылды каптап жатат. Тургундар маселени чечип берүүнү суранышууда«Бишкек Арена» 5-октябрда ачылат: концертке кирүү акысыз билеттер менен болотОрусияда алдын ала маалымат боюнча беш партия Мамлекеттик думага өтүүдө — РФ БШКсынын башчысы
Милиция: Жалда эки жаран өспүрүмдү уурдап кетип, сабап, телефонун тартып алган
11.02.2025 | 15:19
Бишкекте адам уурдоого шектелип эки жаран кармалды. Бул тууралуу шаардык милициядан билдиришти.
Милициянын маалыматы боюнча, 27-январда болжол менен саат 21:30да Жал айылында белгисиз адамдар 17 жаштагы өспүрүмдү күчтөп “Хонда Фит” унаасына отургузуп, белгисиз жакка алып кеткен. Андан кийин аны сабап, 15 миң сомдук “Айфон 10” телефонун тартып алышкан. Бул окуя боюнча баланын атасы милицияга арыз жазган.
Аталган факт боюнча “адам уурдоо” беренеси менен кылмыш иши козголгон.
Иликтөө иштеринин натыйжасында шектүү катары 28 жаштагы Б.С. жана 25 жаштагы К.Н. аттуу эки жаран кармалган. Соттун чечими менен алар №1 тергөө абагына эки айга камакка алынган.
