Агартуу министрлиги мектептердеги «Акыркы коңгуроо» салтанатына байланыштуу бүтүрүүчүлөрдөн жана ата-энелерден акча чогултууга тыюу салынганын эскертти.

Министрликтин № 593/1 буйругуна ылайык, төмөнкү аракеттер мыйзамсыз деп табылат:

• салтанатты өткөрүү үчүн акча чогултуу;
• мугалимдерге же мектеп жетекчилигине белек алуу үчүн каражат топтоо;
• мектептен тышкаркы иш-чараларды уюштуруу;
• ата-энелерге материалдык басым көрсөтүү.

Бул чаралар коррупциянын алдын алуу жана ата-энелерге ашыкча чыгым келтирбөө максатында кабыл алынган.

Быйыл «Акыркы коңгуроо» 29-май күнү өтөт. Мекеме иш-чарада коопсуздук эрежелерин сактоо, окуучулардын унаа башкаруусуна жол бербөө жана балдардын коопсуздугуна көңүл буруу зарылдыгын да белгиледи.