Москвада кыргызстандык жаран метродо кара терилүү кишиге кол салды. Бул тууралуу орусиялык басылмалар жазып чыгышты.
Маалыматка ылайык, милиция кызматкерлери жаңжал болгон жерге ыкчам жетип, шектүүлөрдү – эки кыргызстандыкты кармашкан. Биринчиси дагы, экинчиси дагы чырдын себебин түшүндүрө алган жок. Ал эми кара терилүү адам Кыргыз жараны ага эмне себептен кол салганын түшүнбөгөндүгүн, Кыргыз жарандары мас абалда экенин гана айткан. Күбөлөр кыргызстандык мигрант кара терилүү кишини кантип жерге тоголото түрткөнүн видеого тартып алган.
Окуяга күбө болгондор жаңжалды токтотушкан. Бул факты боюнча кылмыш иши козголуп, тергөө иштери жүрүүдө.
