Кыргызстандык мушкер Мунарбек Сейитбек уулу Париждеги Олимпиада оюдарында күмүш байге утканы үчүн Эл аралык бокс федерациясынан (IBA) 50 миң доллар алды.

Белгилүү болгондой, буга чейин аталган федерация Олимпиадада алтын уткан спортчуларга 100 миң доллар, күмүш тагынгандарга 50 миң доллар жана коло ээлерине 25 миң доллар берилерин кабарлаган. Акчалай сыйлыктын жарымын мушкер өзүнө калтырат, жарымын башкы машыктыруучу менен Улуттук бокс федерациясы тең бөлүп алат.

Ошондой эле 5-орунду алган боксчуларга да 10 миң доллардан берилмек.

Айтылгандай эле, Эл аралык бокс федерациясы 8-декабрда Дубайда форум өткөрүп, Парижде байгелүү орундарга татыган спортчуларга акчалай сыйлыктарды тапшырды.