Нарын жана Ат-Башы райондорунда малдын алыскы жайлоолордон белгиленген мөөнөттөн мурда түшүп келишин жана айдоо аянттарына кирүүсүн алдын алуу үчүн көзөмөл күчөтүлдү. Бул максатта Босого аймагындагы «Кулаган-Акташ» участкасында 20-августтан 4-октябрга чейин көзөмөл посту иштейт.

Айыл чарба министрлигинин маалыматында, постто жооптуу кызматкерлер график боюнча кезекчилик кылып, аймакты көзөмөлгө алышат.

Иш-чаранын максаты — малдын айдоо аянттарына кирип, айыл чарба өсүмдүктөрүнө зыян келтирүүсүнө жол бербөө жана түшүмдү сактоо болуп саналат. Көзөмөл учурунда малчыларга жайлоодон түшүү мөөнөттөрүн сактоо боюнча түшүндүрүү иштери жүргүзүлөт.