Нарында жана Ысык-Көлдө 7-августта нөшөрлүү жаан-чачын болору күтүлүп жаткандыктан, аталган облустардын тоолуу аймактарында жана тоо этек райондорунда сел жүрүшү мүмкүн. Бул тууралуу Өзгөчө кырдаалдар министрлиги билдирди.
Ошондой эле дарыялардагы суунун деңгээли көтөрүлүшү күтүлөт.
Мындан улам министрлик жарандарды тоого жүрүшкө, саякатка чыкпай турууну, капчыгайларда жана суу жээктеринде эс алууга барбай турууну суранат.
Өзгөчө кырдаалга күбө болсоңуз 112 кызматына кабар бериңиз.
