Эртең, 11-майда Нарын шаарында “Kurut-fest 2022” аталыштагы улуттук “Курут” фестивалы өтөт.  Бул тууралуу уюштуруучулар билдиришти.

Маалыматка караганда, фестивалдын максаты – улуттук ашкананы жайылтуу, сактоо жана өнүктүрүү, Кыргызстандын туристтерди тартуу жөндөмдүүлүгүн жакшыртуу, жаштарды маданий салттарга тартуу, конокторду улуттук маданияттын өзгөчөлүктөрү менен тааныштыруу.

Фестивалдын алкагында куруттун жана улуттук суусундуктардын түрлөрү көргөзмөгө коюлуп, музыкалык программалар тартууланат жана катышуучулар арасында сынактар уюштурулат.