Ош облусунун Ноокат районуна караштуу Жаңы-Базар айылында 40 койкалуу оорукананын курулушу аяктады. Бул тууралуу Курулуш министрлиги билдирди.

Долбоор республикалык бюджеттен каржыланып, жалпы наркы 142 миллион сомду түздү. Объекттин курулушу 2023-жылдын сентябрь айында башталган.

Оорукананын жалпы аянты 2400 чарчы метрди түзөт. Үч кабаттуу имаратта терапия, хирургия жана төрөт бөлүмдөрү каралган. Оорукананын жанына өзүнчө поликлиника имараты курулуп, ага рентген, стоматология, УЗИ жана кабыл алуу бөлмөлөрү жайгаштырылды.

Учурда имаратта курулуш иштери толугу менен бүтүп, медициналык жабдууларды жана эмеректерди орнотуу иштери жүрүп жатат.