Ноокат районундагы Мирмахмудов айыл өкмөтүнүн мурдагы башчысы, 49 жаштагы Г.Ш.М. атайын кызматтар тарабынан кармалды. Бул тууралуу Кыргыз Республикасынын Улуттук коопсуздук мамлекеттик комитетинин басма сөз борбору кабарлайт.

Аныкталгандай, Г.Ш.М. өзүнүн тааныштары аркылуу «Ноокат универсал базар» ЖЧКдан түшкөн кирешелерди аталган кылмыштуу топту каржылоого багыттаган. Натыйжада, «Ноокат универсал базар» ЖЧКнын балансына катталган 14 276,28 чарчы метр жер участогу жана 2005-жылкы Lexus GX470 унаасы, Г.Ш.М.га таандык болгону менен, мамлекеттик менчикке кайтарылды.

УКМКнын маалыматына караганда, кылмыш ишинин териштирүүсү улантылып, кылмыштуу топтун бардык катышуучулары жана каржылоо булактары аныкталууда.