1-август күнү Новосибирск-Ош багытындагы чартердик каттам менен 169 кыргызстандык мекенине кайтып келди. Бул тууралуу республикалык ыкчам штабдан кабарлашты.

Андагы билдирүүдө айтылгандай, учуп келгендердин басымдуу бөлүгү кош бойлуу, балалуу аялдар, улгайган жана Новосибирсктин клиникаларында операция жасаткан оорукчан адамдар, Сибирь аймагында окуган студенттер болгон. Бул каттам менен федералдык округунун башка региондорунан, Иркутск жана Красноярскте жашаган жарандар дагы учуп келген.

Мындан тышкары аталган каттам менен Новосибирск облусундагы кыргыз диаспорасы тарабынан гумжардам катары 700 миң рублдык медицина жабдыктары дагы келген.