24-сентябрда Нью-Йорк шаарында БУУнун Башкы ассамблеясынын 80-сессиясынын алкагында Кыргызстандын тышкы иштер министри Жээнбек Кулубаев менен Папуа-Жаңы Гвинеянын тышкы иштер министри Жастин Ткаченко жолугушту.

ТИМдин маалыматында, жолугушууда тараптар дипломатиялык мамилелерди орнотуу боюнча биргелешкен коммюникеге кол коюшкан.

Министрлер ошондой эле эки тараптуу байланыштарды өнүктүрүү мүмкүнчүлүктөрүн, ошондой эле эл аралык күн тартибиндеги маселелерди жана көп тараптуу аянтчалардагы кызматташууну талкуулашкан.