Аба ырайынын жылыганына байланыштуу 19-23-март күндөрү Бишкек – Ош жана Каракол – Эңилчек унаа жолдорунда кар көчкү түшүүсү күтүлөт. Ошондой эле муз тоңуп, жолдор тайгак болот. Бул тууралуу ӨКМ билдирди.

Маалыматка ылайык, Бишкек – Ош унаа жолунун Төө-Ашуу, Ала-Бел ашууларында, Чычкан капчыгайында кар көчкү түшүшү мүмкүн.

Ал эми Каракол – Эңилчек унаа жолунун Чоң-Ашуу ашуусунда кар көчкү түшүү коркунучу жаралууда.

ӨКМ айдоочуларга унаалардын ортосундагы 500 метр аралыкты сактоону эскертти. Ошондой эле, жарандарды бул күндөрү зарылдык болбосо, алыскы сапарга чыкпай турууга чакырды.