Бүгүн, 24-июлда Министрлер кабинетинин төрагасы Адылбек Касымалиев Орусиянын Алтай республикасына жумуш сапары менен барды. Бул тууралуу өкмөттүн басма сөз кызматы билдирди.

Адылбек Касымалиевди Тоолу-Алтай шаарынын аэропортунан Алтайтын башчысы Андрей Турчак жергиликтүү элдин салттуу меймандостугу менен тосуп алды. 

Белгилей кетсек, Адылбек Касымалиев бул сапарынын алкагында Эл аралык экологиялык конференцияга катышат. Анын жүрүшүндө бир катар мамлекеттердин өкмөт башчылары менен биргеликте конференциянын пленардык жыйынында сөз сүйлөйт. Ошондой эле, конференциянын алкагында тажрыйба алмашуу жана биргелешкен долбоорлорду ишке ашыруунун мүмкүнчүлүктөрү каралат.