Улуттук коопсуздук мамлекеттик комитети кылмыштуу кирешелерди адалдаштыруу жана уюшкан кылмыштуу топту каржылоо боюнча шектүү катары Жалил Атамбаевди кайрадан кармаганын билдирди.

Маалыматка караганда, ал Ички иштер министрлигинин мурдагы кызматкери болуп саналат. Атамбаев буга чейин Өзбекстандын уюшкан кылмыштуу тобунун лидери Хуршид Абдувалиевдин ишмердүүлүгүн каржылап жүргөнү үчүн кармалган.

2024-жылдын декабрында анын баш коргоо чарасы өзгөртүлүп, камактан чыгарылып, үй камагына алынган. Бирок тергөө маалында ал бир нече ирет тергөө органдарынын чакыруусуна келбей, процессуалдык милдеттерин аткаруудан баш тартканы аныкталды.

Мындан улам, УКМК тарабынан ага карата кайрадан бөгөт чарасы колдонулуп, камакка алынганын мекеме билдирди.