Кырызстандык боксчу Мунарбек Сейитбек уулунун (57 кг) Париждеги Олимпиада оюндарындагы биринчи атаандашы белгилүү болду.

Парижде 25-июлда бокс боюнча чүчү кулак кармалды. Анын жыйынтыгы менен Сейитбек уулунун биринчи атаандашы кубалык Орта Родригез болду. Кыргызстандык мушкер таймашты 1/8 финалдан баштайт. 28-июлда рингге чыгат.

Мунарбек Сейитбек уулу дүйнө биринчилигинин коло байге ээси. Ал – Кыргызстандын эгемен тарыхында дүйнө чемпионатында байге алган биринчи боксчу.

Орта Родригез дүйнө чемпионатынын күмуш байге ээси болуп саналат.

https://reporter.kg/olimpiada-kyrgyzstandyk-sportchular-kajsy-kyndory-tajmashka-chygat/