Кыргыз тилинде “оорукана” дебей “шыпаакана” деп которбойлубу? Мындай сунушту Жогорку Кеңештин депутаты Нуржигит Кадырбеков парламенттик жыйында айтты.
Ал, “анткени, сөздүн да мааниси, энергетикасы бар. Мен чындап эле айтып атам, оору көбөйгөндөн көбөйүп эле бара жатат. Ушул сунушумду ойлонуп көрсөңүздөр” – деди.
Ал эми Саламаттыкты сактоо министри Алымкадыр Бейшеналиев “сиздин сунушуңузду ойлонуп көрөлү, бирок, “оорукана”- деп бизге кирип калган” деди.
