Ош аскер комиссариатынын кызматкери айфон уюлдук телефонун пара катары алып жаткан жеринен кармалды. Бул тууралуу УКМК билдирди.

Маалыматка ылайык, аталган кызматкер альтернативдик аскер кызматын өтөө боюнча оңдуу чечим чыгарып берүү үчүн уюлдук телефонду пара катары талап кылганы белгилүү болгон.

Жүргүзүлгөн иликтөөнүн натыйжасында Аскер комиссариатынын кызматкери «Ш.А.П.»га карата Кылмыш-жаза кодексинин “кызматтык абалын пайдалануу менен алдамчылык жасоо” беренеси боюнча айып тагылып, Ош гарнизонунун гауптвахтасына киргизилген.