Бишкекте Ош базарындагы «Берекет Гранд» соода борборунан алтын жасалга уурдоого шектелген жаран кармалды. Бул тууралуу Бишкек шаардык милициясы кабарлады.

Маалыматка ылайык, 30-майда милицияга жаран арыз менен кайрылып, анда аталган соода борбордон белгисиз адам анын 48 миң сомдук эки алтын билеригин уурдап кеткенин билдирген. Бул факт боюнча Кылмыш-жаза кодексинин «Уурулук» беренеси менен кылмыш иши козголгон.

Ыкчам издөөнүн натыйжасында 51 жаштагы А.Б. аттуу шектүү кармалып, убактылуу кармоочу жайга киргизилген.

Учурда кармалган жарандын башка кылмыштарга катыштыгы текшерилип, тергөө иштери улантылууда.