Ош-Бишкек жолундагы К.Көлбаев атындагы туннель маал-маалы менен жабылып турат. Бул тууралуу Өзгөчө кырдаалдар министрлигинен билдиришти.

“Жаз келип малдар Суусамыр өрөөнүнө жайлоого чыгып баштагандыгына байланыштуу, Бишкек-Ош унаа жолунун 129-чакырымында жайгашкан К.Көлбаев атындагы туннель аркылуу мал айдап өткөн убакытта, жол тыгынын болтурбоо жана коопсуздукту сактоо максатында унаалардын баардык түрүнө 15-20 минут аралыгы менен, тоннелдин эки тарабынан убактылуу жол жабылып турат”, – деп айтылат билдирүүдө.