Ош облусунун Кара-Кулжа районуна караштуу Чалма айыл аймагынын Буга айылынын 9 жашар Ш.М. аттуу жашоочусу 16-мартта үйдөн чыгып кеткен боюнча кайрылып келген эмес. Бул туурасында Өзгөчө кырдаалдар министрлигинен билдирди.

Маалыматка караганда, 17-мартта дайынсыз жоголгон 9 жашар баланы издөө үчүн Кара-Кулжа райондук Өзгөчө кырдаалдар бөлүмүнөн 10 куткаруучу жана жергиликтүү тургундардан 65 адам тартылды.

Куткаруучулар тарабынан Чалма айыл аймагында жайгашкан Шиштей-Дөн тоосунун боорунан жогоруда аталган баланын сөөгү табылып, туугандарына өткөрүлүп берилди.