Бишкек шаарында Кыргызстандын Ош шаары менен Пакистандын Лахор шаарынын ортосунда туугандык байланыштарды орнотуу боюнча меморандумга кол коюлду. Иш-чара Пакистандын премьер-министри Шахбаз Шарифтин Кыргызстандын расмий сапарынын алкагында уюштурулду.

Ош мэриясынын маалыматына ылайык, меморандум эки шаардын ортосундагы мамилелерди өнүктүрүүгө, шаардык башкаруу, маданият жана башка багыттарда кызматташууну кеңейтүүгө багытталган.

Лахор шаары Пакистандын Пенжаб провинциясынын борбору болуп саналат. Ал өлкөнүн маданий борбору жана архитектурасы бар шаар катары мүнөздөлөт.