Ош шаардык мэриясы өзбек-кыргыз өнүктүрүү фондунан автобустар үчүн насыя алат. Бул тууралуу Ош шаардык кеңешинин кезектеги сессиясында белгилүү болду.

Депутаттар 1 миллион 850 миң доллар өлчөмүндөгү насыяны 7 жылдык мөөнөткө жылдык 5 пайыз менен алууну макулдашты. Бул каражат Самарканд шаарындагы (Өзбекстан) СамАвто автозаводунун 50 автобусун сатып алууга жумшалат.

Мындан тышкары, кредиттин суммасынын 30 пайызын кошумча каржылоо үчүн республиканын бюджетинен трансферт түрүндө 50 миллион сом алуу пландалууда.