Ош облусунда жапайы жаныбарларды жазгы эсептөө иштери аяктады. Жаратылыш ресурстары министрлигинин маалыматы боюнча, адистер 8 миңден ашык суурду жана 20 ондатраны каттоого алышты.

Эсептөө иштерин министрликтин Ош регионалдык башкармалыгы жүргүздү. Адистер бекитилген каттамдарды изилдеп, жаныбарлардын саны боюнча маалыматтарды чогултушту жана алардын жашоо чөйрөсүнүн абалына баа беришти.

Байкоолордун жыйынтыгында жапайы жаныбарлардын арасында жугуштуу оорулардын белгилери аныкталган жок.

Министрликтен белгилешкендей, эсептөө иштерине аңчылык чарбаларынын пайдалануучулары, өзгөчө корголуучу жаратылыш аймактарынын, мамлекеттик коруктардын жана жаратылыш парктарынын кызматкерлери да катышты.