Улуттук коопсуздук боюнча мамлекеттик комитет (УКМК) Ош шаардык төрөт үйүнүн кызматкерлери бейтаптардын көйгөйлөрүн жана муктаждыктардын чечип берүү үчүн системалуу түрдө акча алып турганы аныкталганын билдирди.

Атайын кызматтын маалыматында, бул факт боюнча козголгон кылмыш ишинин алкагында 20-майда аталган төрөт үйүнүн жетекчиси К.А.М. кармалган.

Ыкчам иликтөөнүн натыйжасында акчалай сый акы алуу боюнча көптөгөн фактылар такталган. К.А.М. УКМКнын убактылуу кармоочу жайына киргизилген. Учурда тергөө иштери жүргүзүлүп жатканы айтылды.