Ушул жылдын 30-декабрында Ош шаарында «ОбидФайз» жоопкерчилиги чектелген коомунун балмуздак жана сүт азыктарын чыгаруучу заводу пайдаланууга берилет. Бул тууралуу Ош мэриясынын басма сөз кызматы билдирди.

Бүгүн, 25-сентябрда, калаа мэри Жанарбек Акаев аталган ишканага барып, анын даярдыгы менен таанышты.

Долбоордун инвестициялык наркы 393,7 млн сомду түздү, каражат ишкананын өз эсебинен каржыланган. Заводдун кубаттуулугу суткасына 15 тоннага чейин сүт азыктарын чыгарууга ылайыкталган.

Ишкана ишке киргенден кийин 60 туруктуу, ал эми сезондук мезгилде 150дөн ашык жумуш орду түзүлөрү айтылды.