Бүгүн, 7-августта Ош шаарындагы Насирдин Исанов жана Навои көчөлөрү капиталдык оңдоп-түзөөдөн кийин пайдаланууга берилди. Бул тууралуу шаар мэриясы кабарлады.

Көчөлөрдүн ачылышына мэр Жеңишбек Токторбаев, Ош шаардык кеңешинин төрагасы Болот Баетов жана жергиликтүү тургундар катышкан.

Маалыматка ылайык, Навои көчөсү 6 тилкелүү болуп салынган. Көчөнүн узундугу 2,6 чакырымды, ал эми туурасы 26 метрди түзөт. Жакынкы убакта жолдун эки тарабына жөө жүрүүчүлөр үчүн тротуар, лоток жана жарыктандыруулар орнотулары айтылды.

Ал эми Насирдин Исанов көчөсү да жергиликтүү бюджеттин эсебинен 6 тилкелүү болуп кеңейтилген. Көчөнүн узундугу 5 чакырым, кеңдиги 18 метрди түзөт.