УКМК Ош шаарынын мурдагы биринчи вице-мэри И.М.А. коррупцияга айыпталып, камакка алынганын билдирди.

Маалыматка ылайык, 2022-жылдын 8-сентябрында аталган вице-мэр 55 гектардан ашык айыл чарба жерлерин өндүрүштүк категорияга мыйзамсыз которуу боюнча токтомдорго кол койгону аныкталган. Алардын негизинде Жер ресурстары боюнча мамлекеттик агенттиктин Оштогу бөлүмү тарабынан “К.Т.” ЖЧКсынын пайдасына мамлекеттик актылар берилген.

Жүргүзүлгөн ыкчам-иликтөөнүн натыйжасында 21-августта И.М.А. Кылмыш-жаза кодексинин 336-беренесинин 2-бөлүмүнүн (коррупция) негизинде УКМКнын тергөө абагына камакка алынган.