Ош облусунда баңгизат сатууга аракет кылган Кыргызстандын эки жараны кармалды. Бул тууралуу Улуттук коопсуздук мамлекеттик комитетинен билдиришти.

Маалыматка караганда, Жалал-Абад облусунун 63 жаштагы К.Г. жана 54 жаштагы Н.Н. аттуу тургундары 18 килограммдан ашык баңгизатты (марихуана) сатууга аракет кылып жаткан жеринен колго түшүрүлгөн.

Аталган фактыга байланыштуу Кылмыш кодексинин 282-беренеси (Баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо) боюнча кылмыш иши козголгон.

Ош шаардык сотунун чечими менен шектүүлөр тергөө абагына камакка алынган. Учурда бул кылмышка тиешеси бар адамдарды аныктоо боюнча ыкчам-тергөө амалдары жүргүзүлүүдө.

Биздин Телеграм каналга катталыңыз