Ошто 21 жаштагы кыз урушуп, Патрулдук кызматтын инспекторунун колун тиштеп алган. Бул тууралуу түштүк борбордун Патрулдук милиция кызматынын басма сөз борбору билдирди.

Окуя 5-майда болгон. Саат 11:00дөр чамасында таксист милицияга кайрылган. Ал колунда бир жашар баласы бар мас жүргүнчү унаадан чыкпай койгонуна нааразы болгон.

«Патрульдук милиция кызматкери жардам берүүгө аракет кылган. Кыз унаанын эшигин тээп, айнекти сындырып, орой сөздөрдү айткан. Ал инспектордун көкүрөгүндөгү камераны жулуп алып, колун тиштеп алган», – деп айтылат Патрулдук милициянын билдирүүсүндө.

Аталган факт Кылмыштардын жана жоруктардын бирдиктүү реестрине катталды.