Ош шаарында 9 жаштагы баланы сүзүп, качып кеткен айдоочу кармалды. Бул тууралуу Милициянын кайгуул кызматынан билдиришти.

Маалыматка караганда, 17-сентбярда Ош шаарынын Жапалак айылында үйүнүн жанында ойноп жүргөн 9 жаштагы баланы Daewoo Nexia унаасы сүзүп, качып кеткен.

Кайгуул кызматкерлери издөө иштеринин натыйжасында унаанын айдоочусун тапкан. Ал Кара-Суу районунун 22 жаштагы К.К. аттуу тургуну болуп чыккан.

Белгилүү болгондой, унаа айып короого коюлуп, айдоочу тергөө кызматына жеткирилген.

Биздин Телеграм каналга катталыңыз