УКМК кызматкерлери Ош шаарындагы Саламаттык сактоо министрлигине караштуу медициналык колледжде абитуриенттерди бюджеттик орундарга кабыл алуу үчүн пара алуу фактыларын аныкташты.

Ведомствонун маалыматы боюнча, кабыл алуу комиссиясынын мүчөсү, «Л.Д.М.» аттуу жаран окууга тапшыруучулардан бюджеттик бөлүмгө кабыл алуу чечими үчүн акча алып жүргөн.

Бул факты боюнча кылмыш иши козголду. Тергөө органдары аталган мыйзамсыз схемага тиешеси бар окуу жайдын башка кызматкерлерин аныктоо боюнча иштерди жүргүзүүдө.