Соттун кызматкерлеринин мыйзамсыз аракеттеринен улам, жаран 4 күн мыйзамсыз камакта кармалган. Бул тууралуу Ош облустук прокуратурасынын басма сөз кызматы билдирди.
Бул факты Ош облустук прокуратурасы тарабынан аныкталды.
Маалыматка ылайык, Ош облустук сотунун жооптуу кызматкерлеринин мыйзамсыз жана негизсиз аракеттеринен улам, Кыргыз Республикасынын Конституциясынын 59-беренесинин талабы одоно түрдө бузулуп, “И.Б.” аттуу адам 4 күн мыйзамсыз камакта кармалган.
Аталган факты боюнча Ош облустук прокуратурасы тарабынан Кылмыш-жаза кодексинин 191-беренеси (“Мыйзамсыз камакка алуу же камакта кармоо”) менен кылмыш иши козголуп, учурда тергөө амалдары жүргүзүлүп жатат.
