Улуттук коопсуздук мамлекеттик комитети (УКМК) Ош облусунда курал-жарак жана ок-дарылар сакталган жайды аныктады. Аталган кызматтын маалыматында, жашыруун жай «Женго» каймана аты менен таанымал Кадырбек Досоновдун уюшкан кылмыштуу тобунун мүчөлөрүнө таандык.

Иш-чаралардын алкагында «Ош» эл аралык аэропортунун аймагына жакын жерден бир даана аңчылык куралынын кесилген түрү, бир даана АК «Сайга», эки даана ПМ тапанчасы жана аталган куралдарга тиешелүү ок-дарылар табылып алынган.

УКМК учурда алынган курал-жарактардын келип чыгышын аныктоо жана жашыруун жайды уюштурган адамдарды тактоо боюнча иш-чаралар жүргүзүлүп жатканын билдирди.